Ministri në detyrë i Punëve të Brendshme, Xhelal Sveçla, të mërkurën është takuar me Sekretaren për Punë të Brendshme të Mbretërisë së Bashkuar, Shabana Mahmood.
Në një postim në Facebook, Sveçla bëri të ditur se gjatë takimit e ka njoftuar sekretaren Mahmood për progresin e arritur nga Kosova, veçanërisht në fushën e sigurisë.
“E falënderova përzemërsisht Sekretaren Mahmood për mbështetjen e vazhdueshme që Mbretëria e Bashkuar i ka dhënë ngritjes dhe forcimit të institucioneve tona. Partneriteti ynë mbetet i qëndrueshëm dhe ekziston vullnet i plotë nga të dyja palët për ta thelluar edhe më tej në të ardhmen,” ka shkruar ai në Facebook./teve1.info/
