Sveçla në takimin me Soylun ka vlerësuar lartë ndihmën e ofruar nga Turqia në shtetndërtimin e Kosovës, shkruan tëvë1.info.
“Kisha nderin që dje të pritem në takim nga homologu im, Ministri i Brendshëm i Turqisë z. Suleyman Soylu. Diskutuam për marrëdhëniet mes shteteve tona, duke vlerësuar lartë ndihmën e ofruar nga Republika e Turqisë në shtetndërtimin tonë. Me theks të veçantë biseduam për bashkëpunimin tonë në fushat e interesit të përbashkët deri më tash dhe për intensifikimin e tyre në vijim”, ka shkruar ai në një postim në Facebook.
Po ashtu ai, ka njoftuar se ka vizituar edhe Komandën e Xhandarmërisë, ku thotë të ketë pasur mundësinë të shohë edhe një demonstrim të aftësive të pjesëtarëve dhe pajisjeve të tyre dhe të diskutojë me ta për intensifikimin e bashkëpunimit me Policinë e Kosovës.
“Përgjatë vizitës sime në Republikën e Turqisë kam vizituar edhe Komandën e Xhandarmërisë ku pata mundësinë të shoh edhe një demonstrim të aftësive të pjesëtarëve dhe pajisjeve të tyre dhe të diskutoj me ta për intensifikimin e bashkëpunimit me Policinë e Kosovës. Me këtë rast shfrytëzova mundësinë që të vizitoj disa prodhues të njohur të armatimit dhe pajisjeve të sigurisë në Sakarya, Izmir dhe Ankara”, tha Sveçla.
Ai tregon se nesër do të jetë në Bursa ku do të takojë Prefektin e Prefekturës si dhe një pjesë të mërgatës së Kosovës.
“Sot dhe nesër do të jem në Bursa ku do të takoj Prefektin e Prefekturës së Bursës si dhe një pjesë të mërgatës sonë këtu për të diskutuar mbi angazhimin tonë në adresimin dhe lehtësimin e sfidave të tyre si dhe për angazhimin e tyre për të ndihmuar në avansimin e shtetit tonë’, tha Sveçla. /tëvë1.info/
