Deputeti i Partisë Demokratike të Kosovës pretendon se qeveria aktuale nuk ka mbajtur asnjë premtim deri më tani, sipas tij ata janë duke ikur nga përgjegjësitë që u ka dhënë populli.
“Kryeministri aktual, Albin Kurti, ose është i interesuar të ikë nga pushteti, ose dëshiron ta luajë viktimën apo ndoshta është duke e kryer detyrën diku tjetër. Qeveria është duke ikur nga përgjegjësitë e tyre, të gjitha premtimet që i ka bërë, nuk i kanë përmbushur”, tha ai në emisionin “Këndi i Debatit” në Tëvë1.
Beqa tutje tha se Kurti është i vetëdijshëm që numrat në teren pas zgjedhjeve lokale tashmë u kanë rënë.
“Kurti fillimisht ka luajtur me arrogancën e numrave, pas zgjedhjeve lokale e ka parë që numrat i kanë rënë në teren. Qeveria aktuale ose duhet ta marrë përgjegjësinë që i ka dhënë populli, ose duhet ta lëshojë këtë përgjegjësi”, tha ai.