Imeri në emisionin “Ditari” tha se nuk ka indikacione që Kosova mund të anëtarësohet në një të ardhme të parashikueshme.
“Me gjasë Bashkimi Evropian është duke e rimenduar eventualisht mos mund të ketë një valë të re të anëtarësimeve. Deri tash nuk ka indikacione se kjo mund të ndodhë, pra të kemi një anëtarësim më së paku jo për të ardhmen e parashikueshme, prandaj kemi kështu anëtarësime tek e tek”, tha Imeri.
Ai po ashtu foli edhe afatet e mundshme të anëtarësimit të shteteve të Ballkanit Perëndimor në Bashkimin Evropian.
“… tash në proces mund të jetë Mali i Zi që nuk ka ndonjë kontest të hapur. Shqipëria dhe Maqedonia mund të hyjnë bashkë në një moment pas një periudhë ndoshta 5 deri 10 vjeçare. Urojmë që të jetë më shpejtë por duke i njohur dinamikat e punës së tyre nuk besoj që mund të ketë anëtarësim më të shpejtë dhe prandaj mbesim ne që kemi konteste Kosova, Serbia, Bosnja dhe Hercegovina. Prandaj këtu duhet t’i shohim se cilat mekanizma do të mund të ishin fillimisht lehtësues të integrimit e më vonë edhe anëtarësim të plotë të këtyre vendeve”, tha Imeri. /teve1.info./
