Në Gjykatën Themelore të Mitrovicës ka filluar sot procesi gjyqësor ndaj nënkryetarit të Listës Serbe, Slavko Simiq, dhe Urosh Vukasinoviq, të cilët po akuzohen nga Prokuroria Speciale për nxitje të dhunës ndaj gazetarëve gjatë protestave në Leposaviq, më 16 qershor 2023.
Sipas aktakuzës, të pandehurit dyshohet se përmes deklaratave dhe veprimeve të tyre kishin nxitur protestuesit që të sulmonin ekipet e mediave që po raportonin nga terreni, çka kishte rezultuar me lëndime fizike të disa gazetarëve dhe dëme materiale në pajisjet e tyre.
Gjatë seancës fillestare, të dy të akuzuarit mohuan fajësinë.
