Blegtoria është veprimtaria kryesore që merret.
Por, Sami Qollakut nga Bllaca e Suharekës pothuajse të gjitha iu dëmtuan.
Dyshohet që krejt këtë e bënë tre arinj, që ia dëmtuan 35 kosherë bletë.
Për vizitë te ky erdhi edhe i pari i Komunës, Bali Mubarremaj.
Nikoqiri i tregoi edhe atij se janë të rrezikuar nga këto kafshë.
E Muharremaj tregon se aktualisht si Komunë nuk mund t’i dalin në ndihmë këtij banori.
“Unë i thashë zyrtarisht bëje një kërkesë, drejtoju Drejtorisë së Bujqësisë, nuk mund të them asgjë tash sepse është fundi i vitit për shkak të buxhetit por sidoqoftë unë kërkoj nga organet e sigurisë të mirren me këtë punë pasi s’është kompetencë e jona të mirremi me arusha sepse s’mundemi me u marrë me arusha, unë e dijë që janë të mbrojtura me ligj edhe me dashtë me bë diçka nuk mundemi por sidomos kohëve të fundit kemi probleme të mëdha në Komunën e Suharekës nuk është veç rasti i parë në Bllacë por kemi pasë edhe në fshatin Reçan kështu që kjo është obligim të mirren organet e rendit dhe sigurisë”, u shpreh Muharremaj.
E vetë Qollaku tregon se vazhdimisht tash e disa ditë janë të rrezikuar pasi këta arinjë janë futur në pronën e tij.
“Dmth kanë ardhë në mesnatë dhe e kanë dëmtu këtë pjesën që po e shihni, janë diku 35 koshere që i ka dëmtu tërësisht, dmth dëmtimi e ka bërë në këtë kohë që bletën sun e riparon edhe me dashtë me pshtu, por atë që e ka mbytë e ka mbytë e ka marrë me veti, deri në atë pjesë i kanë bajtë, dmth dëmi është i madh, por qa me bë. Po përnatë i shohim në këtë pjesën këtu, në ora 2 e gjysmë e natës vijnë”, tha ai.
Para disa ditësh këto kafshë nxorën nga një varr edhe eshtra të një trupi në varrezat e këtij fshati.
Andaj po kërkohet më shumë siguri për banorët e këtij lokaliteti.
“Arinjtë që po na sulmojnë po thuajse që tri ditë në fermat të cilat janë në periferi të fshatit, po krijojnë edhe panik, shqetësim te familjet, te fëmijët, kështu që unë kisha bërë apel të instucionet relevante që janë përgjegjëse për këto që të na ndihmojnë si fshat t’i largojmë këto kafshë të egra që mos të bëjnë shqetësime të vazhdueshme e mëtutjeshme në të ardhmen”, tha Maksut Pirku, kryetari i fshatit Bllacë.
Rastin e ka konfirmuar edhe Policia e Kosovës të cilët kanë ftuar qytetarët për kujdes gjatë lëvizjes në zonat e pyllëzuara apo ku mund të paraqiten këto kafshë.
