Dogana e Kosovës ka njoftuar se gjatë muajit shtator 2025 ka parandaluar katër tentativa për import të mallrave të falsifikuara në vend.
Sipas njoftimit, në kuadër të kontrolleve doganore janë ndaluar këto mallra:
300 jelekë dimërorë me logon Moncler;
300 palë atlete me logot Adidas, Reebok dhe Miu Miu;
5,180 palë çorape me markat Nike, Calvin Klein, Reebok dhe U.S. Polo Assn;
225 veshje tekstili me markën Stone Island.
Nga Dogana e Kosovës është bërë e ditur se këto ndërhyrje janë rezultat i analizës së avancuar të riskut dhe vigjilencës së oficerëve doganorë, të cilët kanë parandaluar që produktet e dyshuara si pirate të depërtojnë në tregun kosovar.
Kjo, sipas institucionit, kontribuon në mbrojtjen e konsumatorëve dhe të drejtave të pronësisë intelektuale. /teve1.info/
