Autort: Jona Kelmendi
Në prag të zgjedhjeve lokale, Qeveria në detyrë mori sot një vendim, që të ndaj nga 100 euro për secilin student në Kosovë.
Në mbledhjen e sotme u votua gjithashtu edhe ndarja e 20 milionë eurove të tjera për bursën e mobilitetit, që në total kapin shifrën e 26 milionë eurove.
Përkundër që vendi ndodhet vetëm pesë ditë larg zgjedhjeve lokale, ministri në detyrë i financave, e arsyetoi vendimin.
Vet studentët, përkundër se e kanë mirëpritur mbështetjen, kanë disa kritika për kohën kur u morr vendimi.
“Ky është një vëndim i mirëpritur prej qeverisë Kurti një ndihmesë sado e vogël të jetë për disa por që është një shtysë një motivim për të vazhduar me tej jetën akademike”, është shprehur një student.
“Vendimi i qeverisë së Republikës së Kosovës për studentët është një vendim i mirë ne si student e mirëpresim këtë punë të mirë që vjen nga qeveria e Kosovës edhe pse në kohë zgjedhje nuk është e preferuar por çdo vendim i qeverisë mirëpritet dhe ne jemi të gëzuar që kemi mar atë lloj mbështetje nga ta”, është shprehur Mustafa.
Nga ana tjetër, politologu Albinot Maloku, vlerëson se vendimi mund të shihet si tentim për të ndikuar në mendjen e votuesve.
“Korruptimi financiar prej korruptimit të mendjes nuk ka shumë dallim në dhënie si e tillë si ndihmesë për studentin normalisht është e mirëseardhur e kjo duhet lavdëruar por problemi qendron që e kemi një moment që nuk kemi misione të formuara dhe e kemi një proces tjetër zgjedhor dhe kjo e rëndon situaten dhe bie sikur kemi një tentim të korruptimit të mendjes së votuesve në një situatë kur kemi procesin zgjedhor”, ka thënë Maloku.
E sipas ekonomistit Safet Gërxhaliu, procesit zgjedhor nuk i bën nder tentativa për t’i motivuar të rinjtë në këtë mënyrë.
“Duhet të kuptohet e vërteta që Kosova ka një qeveri në detyrë dhe e ka shumë të vështirë të bie vendime të tilla e në rend të dytë të ndahen këto mjete në një kohë kur jemi në prag të zgjedhjeve lokale dhe kjo i jep konotacion politik dhe ne rend të tretë rinia Kosovare ka nevojë për zhvillim të qendrueshem ekonomik ka nevojë për arsim cilësor, ka nevojë për partneritet me shtetet evropiane dhe ne veçanti me aleatët amerikanë”, ka theksuar Gerxhaliu.
Ministri në detyrë, Hekuran Murati, ka bërë të ditur se ditëve në vijim do të japin më shumë detaje për shpëndarjen e ndihmës.
