Një person ka pësuar lëndime trupore pasi dyshohet se është qëlluar me armë zjarri nga një i dyshuar i cili ka ikur nga vendi i ngjarjes.
Siç ka njoftuar Policia e Kosovës, rasti ka ndodhur në rrugën “Garibaldi” në Prishtinë të dielën.
“Viktima mashkull kosovar ka pësuar lëndime nga arma e zjarrit, pasi që i dyshuari mashkull kosovar dyshohet se ka shtënë me armë zjarri në drejtim të tij dhe është larguar nga vendi i ngjarjes në drejtim të panjohur. Njësitet policore në vendin e ngjarjes kanë gjetur dhe konfiskuar tri gëzhoja si dëshmi materiale. Lidhur me rastin është informuar edhe prokurori, ndërsa njësitet policore janë duke hetuar rastin”, thuhet në raportin e PK-së.
