Tensionet mes rivalëve për titull, Lando Norrisit dhe Oscar Piastrit, kanë arritur kulmin, në ditën kur skuderia e tyre McLaren, e fitoi titullin për konstruktorë në Formula 1.
Garën Grand Prix të Singaporit të dielën e fitoi George Russell i Mercedesit, por Norris dhe Piastri patën mosmarrëveshje në fillim të garës.
Norrisi e kaloi Piastrin që në fillim, ndërsa australiani pas garës tha se kjo “nuk ishte e drejtë” pasi ekipi nuk e kërkoi një gjë të tillë.
Russell e fitoi garën e dytë të sezonit, ndërsa Max Verstappen i Red Bullit përfundoi i dyti. Podiumin e kompletoi Norrisi.
Në renditjen e ngasësve në kampionatin aktual të Formula 1, Piastri prin me 22 pikë më shumë se Norrisi që zë vendin e dytë.
