Një person është arrestuar të shtunën në fshatin Reqan të Suharekës, pasi dyshohet se kishte fshehur 56.52 gramë marihuanë në një kavanoz qelqi, të kamufluar me ajvar ose salcë domatesh.
Në raportin 24 orësh të Policisë thuhet se ngjarja ka ndodhur rreth orës 12:45, ndërsa gjatë kontrollit nga i dyshuari është sekuestruar edhe një telefon celular.
Rasti është iniciuar si “Blerje, posedim, shpërnarje dhe shitje e paautorizuar e substancave narkotike”.
“Është arrestuar i dyshuari m/k te i cili njësiti relevant policor në një qese në një kavanoz qelqi të kamufluar me lëng (ajvari apo sos domatesh) kanë gjete dhe konfiskuar 56.52 gram substanca të dyshuara narkotike të llojit marihuanë. Nga i dyshuari është sekuestruar edhe një telefon celular. Me vendim të prokurorit i dyshuari pas intervistimit është dërguar në mbajtje”, thuhet në raportin e Policisë./teve1.info./
