Liverpool doli i tronditur nga vizita në Turqi, ku u mund 1-0 nga Galatasaray.
Përveç rezultatit negativ, skuadra e Arne Slot u kthye në Angli me dy dëmtime të rëndësishme.
Sulmuesi Ekitike dhe portieri Alisson u lënduan gjatë ndeshjes, duke shtuar shqetësimet për “The Reds”. Trajneri holandez tentoi të qetësojë tifozët për francezin:
“Dëmtimi i Ekitike nuk duket serioz”
Më i madh mbetet alarmi për Alisson: “Ai u rrëzua pas një pritjeje dhe pas ndeshjes e pamë duke çaluar. Nuk do të luajë këtë fundjavë në kampionat, ndaj Mamardashvili do të jetë gati për debutimin e tij në Premier League”, konfirmoi Slot.
Liverpool ka pësuar dy humbje radhazi dhe tashmë synon të reagojë në sfidën e radhës kundër Chelsea-t, për të lënë pas krizën e momentit.
