Në Pejë, një edukatore në një çerdhe private dyshohet se ka ushtruar dhunë për disa herë ndaj një fëmije.
Sipas burimeve të Tëvë1, nga Prokuroria Themelore në Pejë bëhet e ditur se fëmija është goditur disa herë në fytyrë dhe dyshohet që ndaj tij është përdorur dhunë sistematike.
Ndërkaq, Shkodran Nikçi, zëdhënës i Prokurorisë në Pejë, ka konfirmuar për Tëvë1 se me urdhër të prokurorit, edukatorja është ndaluar dhe pritet të qëndrojë në paraburgim për 48 orë.
“Të mërkurën është arrestuar edukatorja me dyshimin se ka përdorur dhunë dhe ka keqtrajtuar fëmijën, ku ajo ka qenë në detyrë si edukatore. Pas analizimit të incizimeve brenda çerdhes, e kemi arrestuar dhe me urdhër të prokurorit të shtetit është ndaluar për 48 orë,” tha Nikçi./teve1.info/
