Disa persona kanë mbetur të lënduar si pasojë e aksidentit që ka ndodhur mesditën e sotme në Komoran, saktësisht në rrugën Pejë-Prishtinë.
Të lënduarit janë dërguar për ndihmë mjekësore, ndërkohë që zëdhënësi i Policisë, Daut Hoxha për teve1.info ka bërë të ditur se tashmë po hetohen shkaqet e aksidentit.
Në aksident kanë qenë të përfshira pesë automjete, njëra prej tyre edhe ajo e autoambulancës.
“Apelojmë tek të gjithë pjesëmarrësit në trafik në veçanti tek shoferët e automjeteve që të jenë vigjilent gjatë ngasjes, posçërisht kujdes të shtuar të kenë gjatë periudhave kur kemi reshje atmosferike kur zvogëlohet dukshmëria dhe rrugët bëhen të rrëshqitshme. Policia e Kosovës me njësitet e saj po ndërmerr veprime aktive ne menaxhimin e trafikut dhe parandalimin e aksidenteve duke angazhuar njësitet relevate te saj në funksion të zbatimit të ligjit dhe rregullave në trafikun rrugor”, deklaroi Hoxha./teve1.info/
Aksidentohet autoambulanca në Komoran, krijohen kolona të gjata në rrugën Pejë-Prishtinë
