Avokati Tomë Gashi, në emisionin “Këndi i debatit” në Tëvë1, komentoi zhvillimet pas zgjedhjeve të 9 shkurtit dhe rolin e Listës Serbe në procesin politik pas njoftimit të sotem nga Gjykata Kushtetuese.
“Unë mendoj që Lista Serbe është e vërtetë që ka fituar ditën e sotme, sepse i’u është dhënë diçka që në një botë të civilizuar, në një botë normale, nuk duhet të kishte kurrë: që të jetë faktikisht bllokuese edhe parlamentit, edhe qeverisjes pas zgjedhjeve të 9 shkurtit,” tha Gashi.
Ai theksoi gjithashtu rëndësinë e rolit të Gjykatës Kushtetuese në këtë situatë.
“Mendoj që duhet të shohim edhe rolin e Gjykatës Kushtetuese, sepse të gjithë ne që kemi komentuar dhe kemi lexuar aktgjykimin e saj, duket se ajo po jep sqarime në pjesë-pjesë dhe duhet të ishte shumë më e shpejtë.”
Gashi shprehu shqetësim për vonesat në aktgjykime:
“25 ditë do të duheshin për një aktgjykim me qindra faqe, e Kushtetuese i’u desh kaq kohë për një aktgjykim shpjegues. Nëse gjykata ka dhënë këto 12 ditë, çfarë do të ndodhë nëse shpenzohen këto ditë pa zgjedhje? Çfarë do të ndodhë atëherë?” përfundoi ai.
