Gjatë fjalimit të tij para ushtarakëve, Trump ringjalli idenë e tij të mëparshme për ta bërë Kanadanë shtetin e 51-të të Shteteve të Bashkuara.
Ai tha se Kanadaja e telefonoi disa javë më parë dhe Trump pretendoi se udhëheqësit e saj shprehën interes për të qenë pjesë e mburojës mbrojtëse nga raketat që Trump e ka quajtur Kupola e Artë, raporton NBC News.
“Ata duan të jenë pjesë e saj, gjë për të cilën unë u thashë: ‘Pse nuk bashkoheni me vendin tonë? Bëheni 51, bëheni shteti i 51-të dhe e merrni falas,’ tha ai. “Pra, nuk e di nëse kjo pati një ndikim të madh, por ka shumë kuptim… sepse po kalojnë vështirësi atje lart në Kanada tani, sepse, siç e dini, me tarifat, të gjithë po vijnë në vendin tonë.”
Kryeministri kanadez Mark Carney ka thënë me bindje se vendi i tij nuk do t’i bashkohet kurrë SHBA-së.
