Presidenti amerikan, Donald Trump ka folur të martën para udhëheqsve ushtarakë në Virxhinia, të cilëve më parë iu drejtua edhe shefi i Pentagonit.
Mes tjerash, Trump deklaroi se vendet me rrezikshmëri të lartë mund të përdoren si vende stërvitjeje për trupat ushtarake.
Deklarata e presidentit erdhi gjatë një mori ankesash për krimin në vendet nën udhëheqjen e Demokratëve.
“I thashë Pete-it”, duke iu referuar Sekretarit të Mbrojtjes Pete Hegseth, “duhet t’i përdorim disa nga këto qytete të rrezikshme si vende stërvitjeje për ushtrinë tonë”, tha Trump, citon AP.
Presidenti ka demonstruar tashmë një gatishmëri për të vendosur trupa kundër qytetarëve amerikanë, duke përfshirë vendosjen e Gardës Kombëtare dhe Marinsave në detyrë aktive në Los Angeles në fillim të këtij viti.
Ai tha “do të shkojmë në Çikago shumë shpejt”, diçka për të cilën e ka kërcënuar më parë pa vepruar.
