Pas debutimit me fitore në arenën evropiane, nënkampioni i Kosovës në basketboll, Bashkimi kërkon suksesin e madh.
Bashkimi synon kualifikimin në fazën grupore të FIBA Europe Cup dhe për një gjë të tillë krahas fitores i mjafton edhe ruajtja e epërsisë prej pesë pikëve nga ndeshja e parë ndaj Anwilit.
Prizrenasit javën e shkuar në palestrën “Sezai Surroi” mposhtën ekipin e madh polak me shifrat 80:75 në ndeshjen e parë dhe tani kërkojnë kualifikimin në përballjen e dytë.
Përballja ndërmjet Anwilit dhe Bashkimit, do të luhet të mërkurën prej orës 18:30 dhe misioni i ekipit kosovar nuk do të jetë aspak i lehtë.
Nëse Bashkimi e kalon pengesën në Poloni, atëherë do të jetë pjesë e Grupit F të FIBA Europe Cup, së bashku me Trepçën, PAOK-un e Greqisë dhe Braunschweigun e Gjermanisë.
