Mbrojtësi i Kosovës, Lumbardh Dellova ka gjasa të mëdha ti mungojë CSKA Sofjes edhe për ndeshjen e radhës.
CSKA, përballet të dielën me Ludogoretsin në kuadër të javës së 11-t të kampionatit bullgar dhe Dellova mund të jetë mungesa e madhe e skuadrës vendase.
Dellova duket se nuk është rikuperuar ende nga lëndimi dhe mbetet të shihet ditëve në vijim nëse do të jetë i gatshëm për lojë.
Mbrojtësi i ka munguar ekipit bullgar në dy ndeshjet e fundit dhe është njëri prej lojtarëve më të rëndësishëm te CSKA Sofja.
Në shtatë paraqitje këtë sezon, Dellova 26-vjeçar ka shënuar edhe një gol për ekipin bullgar, me të cilin ka kontratë deri në verën e vitit 2027.
Shkaku i këtij lëndimi, Dellova mund të jetë në dyshim për t’u grumbulluar edhe te Kosova për ndeshjet e këtij muaji në kuadër të kualifikimeve për Botërorin 2026.
