Mbrojtësi Albian Hajdari, tashmë mund të konsiderohet futbollist i Kombëtares së Kosovës.
Kreu i Federatës së Futbollit të Kosovës (FFK), Agim Ademi e ka prezantuar të nënën Hajdarin, të cilit i ka dëshiruar mirëseardhje te “Dardanët”.
“Kombëtarja e Kosovës ka fituar një zemër të re në fushë dhe një muri të ri në mbrojtje. Qendërmbrojtësi i talentuar i Hoffenheim-it, Albian Hajdari, ka marrë vendimin e madh për t’u bashkuar me fanellën dardane. Albiani iu bashkua rrënjëve të tij, duke u kthyer në shtëpinë e tij, Kosovën”, ka shkruar Ademi në Facebook.
Hajdari është rritur në futbollin zviceran, ndërsa muaj më parë bëri hapin e madh në karrierë duke u transferuar tek Hoffenheimi në Gjermani.
Mesazhi i Hajdarit pasi u bë “Dardan” ishte i qartë: Kosova është foleja e ngrohtë dhe zemra gjithmonë rreh fort për atdheun”.
Hajdari pritet të ftohet se selektori i Kosovës, Franco Foda për ndeshjet e tetorit, kundër Sllovenisë dhe Suedisë në kuadër të kualifikimeve për Kupën e Botës 2026.
