Një person ka humbur jetën dhe dy të tjerë janë lënduar në një aksident komunikacioni që ka ndodhur të dieln rreth orës 19:00 në rrugën Suharekë–Shtime, në mes të fshatrave Duhle dhe Carralevë.
Në këtë aksident sipas Policisë së Kosovës janë përfshirë një një autobusi dhe një automjet, ku i vdekur ka mbetur pasagjeri që ishte në veturë.
“Si pasojë e aksidentit, një pasagjer i automjetit ka humbur jetën në vendngjarje, ndërsa dy të lënduarit janë dërguar për trajtim mjekësor në spitalin e Prizrenit. Nga të dhënat e para dyshohet se automjeti BMW ka humbur kontrollin dhe është përplasur me autobusin”, ka thënë për teve1.info zëdhënësi i Policisë, Shaqir Bytyqi.
Ai ka bërë të ditur se rruga Suharekë–Shtime është e bllokuar për qarkullim deri në përfundim të ekzaminimeve nga njësitë kompetente policore.
Hetimet për zbardhjen e plotë të rastit janë në zhvillim.
