Dukagjini i Klinës është ndalur në Gjilan nga kampionia në fuqi, Drita.
Drita, të dielën në shtëpi mposhti skuadrën e Dukagjinit 3:1 në kuadër të xhiros së shtatë të SUperligës së Kosovës në futboll.
Skuadra nga Klina, e para kaloi në epërsi me anë të Dienit Isufit në minutën e 20-të, përpara se Drita të rikthehet fuqishëm për të shënuar tri herë, me anë të Liridon Balajt, Arb Manajt e Salifu Ibrahim.
Përkundër humbjes, Dukagjini mbetet në pjesën e epërme të tabelës me 12 pikë, ndërsa Drita që regjistroi fitoren e dytë këtë sezon, është ngritur në kuotën e 8 pikëve.
