Milot Rashica pritet të kthehet në përbërjen e parë te skuadra e Beshiktashit për ndeshjen e radhës, kanë njoftuar mediumet turke të hënën.
Forma e dobët e Beshiktashit në ndeshjet e fundit, ka bërë që trajneri Sergei Yalcin të paralajmërojë ndryshime për duelin kundër Kayserisporit, që luhet të mërkurën.
Rashica nuk u ftua fare për ndeshjen e fundit, të cilën Beshiktashi e humbi 3:0 në udhëtim nga Goztepe, ndërsa është stërvitur me ekipin për përballjen e radhës.
Beshiktashi pas katër ndeshjeve të zhvilluara këtë sezon, ka regjistruar 2 fitore e po aq humbje, ndërsa renditet në pozitën e 11-të në tabelë.
Në anën tjetër, Rashica që ishte afër largimit nga Beshiktashi gjatë afatit kalimtar të verës, në total ka 5 paraqitje në të gjitha garat dhe 1 gol të shënuar.
Në kampionat, sulmuesi i krahut, ka vetëm dy ndeshje të luajtura apo vetëm 98-të minuta lojë.
