Shaip Surdulli, kandidat i LDK-së për kryetar të Kamenicës ka premtuar subvencionime për bizneset, bujqit dhe krijimin e tri qendrave të shkencave ekonomike.
Ai ka thënë se do të krijojnë një lokacion për bizneset me infrastrukturën përcjellëse.
“Financimi i bizneseve ekzistuese deri në 20 mijë euro nëse punësojnë më shumë se dy punëtorëve , subvencionime në bujqësi. Do të ndërtojmë tri qendra të shkencave kompjuterike. Do të caktojmë një lokacion për biznese me infrastrukturën përcjellëse”, ka thënë ai në emisionin “InfoNata” në Tëvë1.
Sa i përket problemit të ujit të pijes në këtë komunë, ai ka përmendur puset e reja si burime të ujit.
Surdulli ka përmendur realizmin e projektit për pendën e Kremenatës, i cili sipas ti zgjidh problemin e ujit.
“Është një projekt i kah motshëm për pendën e Kremenaës, ku sa kam qenë kryetar kam kërkuar që të gjendet mundësia e financimit të projektit i cili ekziston.
Shpresojmë që gjatë mandatit 4 vjeçar penda e Kremenatës do të ndërtohet. Ky projekt e zgjidh problemin, jo vetëm të ujit të pijshëm ,por edhe për ujitje”, ka thënë ai.
