Amerikania Melissa Jefferson-Wooden është mbretëreshë e re e sprintit.
24-vjeçarja nga Karolina e Jugut ka fituar të artën në 200 metra vrapim, pasi më herët kishte fituar edhe garën më interesante, atë në sprintin 100 metra.
Jefferson-Wooden bëri shkëputje të shkëlqyer në metrat e fundit për fitore bindëse në 200 metra, të premten. Koha e saj ishte 21 sekonda e 68 të qindtat.
Britanikja Amy Hunt e fitoi medaljen e argjendtë me vrapim prej 22 sekonda e 14 të qindtat. Ndërkohë Shericka Jackson e Xhamajkës fitoi medaljen e bronztë me kohë prej 22 sekonda e 18 të qindtat. Jackson ishte më e shpejta në gjysmëfinale dhe kampione e Botërorit të kaluar.
Por tani Melissa Jefferson-Wooden është kampione e botës në 100 e 200 metra vrapim.
