Barcelona startoi sukseshëm në edicionin e ri të Ligës së Kampionëve dhe Hansi Flick u kënaq shumë.
Trajneri i Blaugrana e komentoi me entuziazëm fitoren në St. James’ Park kundër Newcastle, duke theksuar vlerën e fillimit me tre pikë në një stadium kaq të vështirë:
“Është shumë e rëndësishme të fillosh me një fitore. Ekipi pati një paraqitje fantastike.”
Flick zbuloi çelësin e ndeshjes, veçanërisht në fazat e para. “Në 15 minutat e para, ishte thelbësore të mos pësonim gol. Ata ushtruan presion të fortë, kokë më kokë, por ne bëmë një punë të shkëlqyer duke mbajtur ritmin. E mbyllëm pjesën e parë me 64% posedim të topit, që është një shenjë shumë pozitive.”
Trajneri më pas kishte fjalë të veçanta për Marcus Rashford, i cili ishte një lojtar kyç me një dygolësh.
“Këtë verë i thashë Deco-s, ‘Më sill një lojtar si ai’. Rashford ishte një mundësi dhe ne bëmë mirë që e shfrytëzuam. I thashë se kisha nevojë për të në ekip dhe kjo paraqitje do t’i japë besim.”
Së fundmi, ai vlerësoi mesfushorët e tij: “Nuk është e lehtë të ushtrosh presion mbi Pedrin dhe Frenkie de Jong; të dy luajtën me shumë besim. Janë një ekip i ri dhe kjo është ajo që më pëlqen më shumë.”
