Një ndër projektet më të përfolura në kryeqytet gjatë qeverisjes së Përparim Ramës, sheshi “Xhorxh Bush”, sipas Hajrulla Çekut duhet të hetohet.
Ai ka thënë se në këtë shesh ka shkelje të rënda.
Çeku, i cili është kandidat i LVV-së për kryetar të Prishtinës, ka thënë ka thënë se kontrata për këtë shesh është nënshkruar me 1.2 milion euro më shumë se vlera reale.
Sipas tij, kjo kontratë duhet hetuar për çka ka thënë se një gjë të tillë ka kërkuar nga prokuroria që ta bëjë.
“Kontrata e sheshit Xhorxh Bush është problematike, ka shkelje të rënda aty. Problemi i parë i asaj kontrate është që vlerën e ka shumë të madhe e hapësira e sheshit nuk është aq e madhe. Mbi 18 milionë euro është thënë ai intervenim, ndërsa kur e kemi analizuar para masën dhe para llogaritjen e kësaj kontrate, del se vlera nuk përputhet me vlerën e kontratës. Diskrepanca është 1.2 milion. Dikush me dashje ose jo ka bërë gabim. Kontrata është nënshkruar me 18.2 milionë, ndërsa vlera reale kur e analizon del për 1.2 milion më e madhe. Unë besoj që këtu ka bazë me dyshuar edhe për keqpërdorim. Kam kërkuar nga prokuroria dhe hetuesia me trajtuar këtë çështje”, ka thënë Çeku në emisionin “Këndi i Debatit” në Tëvë1.
