Kandidati i Lidhjes Demokratike të Kosovës për Komunën e Vushtrrisë, Xhafer Tahiri, në ditën e pestë të fushatës zgjedhore për zgjedhjet lokale të 12 tetorit, ka mbajtur një tubim me qytetarët e lagjes “Pandeli Sotiri” të këtij qyteti.
Tahiri ka premtuar që në 4 vitet e ardhshme do të kompensojnë dëmet bizneseve, do të bëjnë rregullim modern urban të kësaj lagje, si dhe rrugën nga ‘Pandeli Sotiri’ do ta riemërtojnë rruga “Erzen Hyseni”.
“Në lagjen ikonike “Pandeli Sotiri” të qytetit, bashkë me profesorin e gitarës kandidatin tonë shembullor Altin Tërdevci takuam banorët dhe bizneset aty. Spo them unë asnjë fjalë për këtë lagje, sepse ju e shihni vet çdo ditë, 14 lokale të mbylluara gati 100 vende pune të shuara, qindra mijëra euro humbje bizneseve aty, 0 kompensime të dëmit nga Komuna, krejt kjo për shkak të punëve jo kualitative, të pa planifikuara mirë të Komunës. Prezenca e babait te Erzenit ishte fort emocionale. Në planin tonë për 4 vitet e ardhshme do të komepnsojmë dëmet bizneseve, do të bëjmë rregullim modern urban të kësaj lagje, e rrugën nga ‘Pandeli Sotiri’ do ta riemërtojmë rruga “Erzen Hyseni””, ka shkruar Tahiri në Facebook.
