Kapiteni i Interit, Lautaro Martinez, nuk u stërvit me pjesën tjetër të ekipit të martën për shkak të dhimbjeve të shpinës dhe mund të humbasë ndeshjen e Ligës së Kampionëve të së mërkurës kundër Ajaxit.
Media italiane raportojnë se Lautaro u stërvit vetëm në palestër dhe jo në fushë për shkak të dhimbjeve të shpinës, por prapë udhëtoi për në Amsterdam me pjesën tjetër të skuadrës.
Ai nuk pritet të jetë titullar në këtë takim, por që gjithçka do të vendoset pak para ndeshjes nga trajneri Chivu.
Nga ana tjetër, Matteo Darmian mbeti në Milano për shkak të dhimbjeve poashtu të shpinës.
