I prangosur u soll para gjykatës.
Kjo meqë në Gjykatën Themelore në Prishtinë u mbajt sot seanca fillestare ndaj të akuzuarit B.S i cili ngarkohet me veprat penale trafikimi me njerëz dhe lëndim i lehtë truporë ndaj të dëmtuarës A.S nga Gjilani.
Ndaj të akuzuari, fillimit u lexua aktakuza.
“I pandehuri përmes mashtrimit dhe lajthimit duke i premtuar martesë të dëmtuarës kanë bashkëjetuar si partnere e me pastaj, me anë te kanosjes, përdorimin e forcës fizike e ka detyruar te kërkon lëmoshe duke i thëne dil lyp pare ne rruge bo çka dush, “nëse nuk bien pare ka me të mbyt, kam me të pre, ta vras nënën edhe ty, ti nuk guxon të ndahesh nga unë, do te besh çfarë te them unë”, ashtu që, të njëjtën e ka detyruar qe të dilte nëpër lokale të ndryshme nê Lipjan, Ferizaj, Gjilan për te kërkuar lëmosh- të holla dhe atë duke e mbikëqyre direkt nga lokali., para te cilat ia ka marr i pandehuri dhe ne momentin”, kanë thënë nga Prokuroria e shtetit.
I akuzuari, B.S veprën “ Trafikim me njerëz” e mohoi.
Por, që njëjtë nuk veproi për veprën tjetër për të cilën akuzohej.
E që kishte të bënte me veprën lëndim i lehtë trupor.
“Për dhunë në familje kjo rrahje lëndim i lehtë e pranoj. Nuk është puna për të holla por e kam bërë për shkak që kam qenë në ndikim të alkoolit. E pranoj shkaku që kam qenë në ndikim të alkoolit dhe për lëndim të lehtë që e kam bë që e kam rreh, dhe ju kërkoj falje palëve të dëmtuar për këtë. Po ashtu i premtoj gjykatës që vepre penale nuk kam me bë në të ardhmen”, është shprehur i akuzuari.
Edhe avokati i të akuzuarit, propozoi që të aprovohet fajësia për njërën nga veprat.
“Dua të shtoj se i mbrojturit im theksoi se dhunën fizikë nuk e ka ushtruar lidhur me pranimin ose jo të të hollave nga e dëmtuara. Andaj propozoj gjykatës që të aprovoj provimin e fajësisë’, ka folur avokati i të akuzari.
Ndërsa i njëjti thotë se do të bëjë kërkesë lidhur me hedhjen poshtë të aktakuzës për trafikim me qenie njerëzore.
“A do të paraqitni kërkese avokat? Po patjetër. Në rregull i keni 30 ditë për me paraqit kërkesë. Sa i përket shqiptimi të dënimit lidhur me veprën penale të cilën e pranoj i akuzuari fajësinë, shpallja e aktgjykimit do të bëhet kur të shqyrtohet çështja në mënyrë të plotë”, ëhstë shprehur gjyqtarja, Fatime Dermku.
Lidhur me mos pranimin e fajësisë për veprën e trafikimit me njerëz, ka reaguar avokati i të dëmtuarës, Hamdi Jashari.
Jashari, thotë se pret që edhe për ketë vepër të dënohet i akuzuari.
“Sa i përket veprës së dytë vlerësoj se ka prova edhe më shumë, por për shkak të veprës penale duke pasur parasysh edhe palën e dëmtuar që është person i ndjeshëm, besoj që i akuzuari nuk e ka pranuar, presim që gjatë gjykimit me prova të drejtpërdrejta dhe të ligjshme do të vërtetohet fajësia e të akuzuarit”, është shprehur avokati.
I akuzuari B.S gjendet në paraburgim që nga data 11.02.2025 .
