Daku flet për golat në Rusi, presionin te Kombëtarja dhe ndeshja me Serbinë
Shqipëria arriti të fiton te ndaj Letonisë me rezultatin 1-0, falë një penalltie të kthyer në gol nga Kristjan Asllani. Në përfundim të ndeshjes, Mirlind Daku foli për sfidën e fituar si edhe te transferta e radhës që i pret kuqezinjtë, pasi në tetor do të përballemi me Serbinë në Beograd.
Daku shpesh herë ka qenë në qendër të kritikave nga mediat serbe, për shkak të provokimeve të ndryshme në rrjetet sociale. Si shkak i këtyre provokimeve, Daku mori edhe një dënim nga UEFA, duke humbur 2 ndeshjet e kuqezinjve, teksa edhe tatuazhi i tij në shpatull me komandant Katanën, është diskutuar jo pak nga mediat serbe dhe jo vetëm.
Fitore 1-0 por loja nuk bind. Një koment?
Ishte ndeshje e vështirë. Letonia ka krijuar shumë vështirësi edhe ndaj tjerëve. Nuk jemi të parët të cilët luajtëm me një ekip te fortë dhe që taktikisht janë të përgatitur. Nuk mund ta mundësh lehtë dhe jemi të kënaqur. Nuk ndodh shpesh që pas një loje të keqe të marrësh 3 pikë por shpresoj që në ndeshjet e ardhshme të marrim 3 pikë me këtë lojë.
Serbia është më e fortë…
Serbia është më e fortë por qasje të tjera do të jenë. vjen edhe ndeshja e radhës pastaj qasemi më ndryshe. E besojmë gjithmonë, deri sa të kemi mundësi do mundohemi të arrijmë atë ëndërr si skuadër.
Si e pret Daku ndeshjen e Beogradit?
E pres shumë i qetë si çdo ndeshje tjetër, për të dhënë maksimumin dhe për të marrë një fitore tjetër që do të na afronte me Botërorin.
Çfarë do të zgjidhte Daku, një gol në finale me klubin apo një gol fitoreje në Beograd?
Normalisht që golin e fitores në Beograd.
Cili ishte ngërçi i kësaj ndeshje?
Është e vështirë kur luan me kështu ekipesh që janë të fortë në duele dhe nuk çahen lehtë. Këtë mund të them por shyqyr morëm 3 pikë mee vlerë dhe vijnë pas disa rezultateve jo shumë të mira. Edhe pse luajtëm mirë me Serbinë nuk e morëm por shpresoj që edhe pse me këtë lojë të fitojmë, edhe me penallti!
Daku shënon çdo ndeshje nga 2 gola në Rusi. Çfarë po ndodh te Kombëtarja që nuk shënon?
Te Kombëtarja është presioni ndryshe. Atje e kam bërë vendin dhe mi njohin kualitetet kurse këtu duhet të jemi pak edhe më strikt në mbrojtje. Nuk është e lehtë. Për mua nuk kanë rëndësi golat por duhet për të ndihmuar skuadrën.
