Në njoftim thuhet se nga e hëna e ardhshme orari i punës me palë në këto dy sektorë do të jetë duke filluar nga ora 07:30 deri në orën 16:00.
“Ju njoftojmë se, Drejtoria e Administratës së Kryeqytetit, ka marr vendim për ndryshimin e orarit të punës me palë në Sektorin e Gjendjes Civile (SGJC) dhe në Qendrën për Shërbim me Qytetarë (QSHQ). Tani e tutje, orari i punës me palë në këto dy sektorë, do të jetë duke filluar nga ora 07:30 deri në orën 16:00. Vendimi hyn në fuqi nga dita e Hënë, më datë 06 qershor 2022”, thuhet në njoftim.
Bëhet e ditur se ky vendim është marrë duke u bazuar në numrin e madh të kërkesave për shërbime nga qytetarët e kryeqytetit.
“Duke e konsideruar numrin e madh të kërkesave për shërbime nga qytetarët e Kryeqytetit, ky vendim është marrë me qëllim të rritjes së kohëzgjatjes për shërbime si dhe mundësinë për ofrimin e shërbimeve për qytetarët që punojnë e nuk kanë pasur mundësi të paraqesin kërkesat e tyre në oraret e deritanishme”, thuhet tutje./teve1.info/.
