Presidentja e Kosovës, Vjosa Osmani ka kujtuar 24-vjetorin e sulmeve terroriste të 11 shtatorit 2001 në ShBA, ku humbën jetën 3 mijë jetë.
E para e shtetit ka thënë se në këtë ditë, Kosova qëndron krah popullit amerikan, sot , nesër dhe gjithmonë në mbrojtje të paqes.
Tutje, ajo tha se 11 shtatori është plagë dhe kujtesë e dhimbjes së pamatshme por edhe dëshmi e forcës së bashkuar të botës demokratike.
“11 shtatori i vitit 2001 është plagë dhe kujtesë e dhimbjes së pamatshme, por edhe dëshmi e forcës së bashkuar të botës demokratike. Në 24-vjetorin e sulmeve terroriste të 11 shtatorit 2001 në SHBA, nderojmë kujtimin e mbi 3 mijë jetëve të pafajshme të humbura dhe dhimbjen e familjeve të tyre. Ato orë të errëta e ndryshuan përgjithmonë historinë, por nuk arritën ta thyejnë shpirtin e lirisë. Nga hiri i tragjedisë lindi një solidaritet i pathyeshëm, një vendosmëri nga e cila terrori kurrë nuk do të triumfojë mbi lirinë dhe dinjitetin njerëzor. Në këtë ditë që na rikujton brishtësinë e paqes, Kosova qëndron krah për krah me popullin amerikan, sot, nesër dhe gjithmonë, në mbrojtje të paqes dhe një të ardhmeje më të mirë për brezat që vijnë”, ka shkruar presidentja./teve1.info/
