Në njoftim thuhet se pesë persona shtetas të Banglladeshit kishin hyrë ilegalisht në vendin tonë dhe të njëjtit kishin për qëllim emigrimin në shtetet e perëndimit.
“Gjatë vëzhgimit, janë vërejtur pesë persona të cilët nga pjesa e malit, zbrisnin në drejtim të autostradës ku po i priste një veturë TAXI me targa vendore. Bëhet fjalë për pesë persona meshkuj, shtetas nga Banglladeshi, të cilët kishin hyrë ilegalisht në vendin tonë dhe qëllim kishin emigrimin në shtetet të perëndimit”, thuhet në njoftim.
Bëhet e ditur se drejtuesi i automjetit i cili po barte emgrantët ishte shqiptar dhe sipas policisë, ai kishte deklaruar se kishte për qëllim t’i dërgonte emigrantët në Prishtinë.
Me vendim të prokurorit i dyshuari është dërguar në mbajtje për 48 orë, kurse emigrantët janë dërguar në Qendrën e Azilit, ndaj të cilëve do të vazhdohet me procedurat e parapara për raste të tilla./teve1.info/.
