Autor: Jona Kelmendi
Nuk ka shumë kohë që në Klinikën e Mjekësisë Nukleare në QKUK janë instaluar pajisjet më të fundit të teknologjisë.
Pajisje të cilat u mundësojnë pacientëve marrjen e shërbimeve moderne diagnostifikuese pa pagesë.
Një nga këto shërbime është edhe Limfoscintigrafia, procedurë për identifikimin e bllokimeve në sistemin limfatik.
Drejtori i Klinikës Fakri Spahiu thotë se pajisjet e reja u mundësojnë pacientëve kryerjen e ekzaminimeve me teknologji të avancuar.
“Procedura është kështu pacienti vjen në mengjes ne e thirrim një ditë më parë vjen i aplikohet techneciumi 99 me CN colloid ne pjesen ku kemi me realizu limfoscintigrafinë dhe ajo limfoscintigrafi fillon te realizohet, faza e parë është një incizim 5 minuta deri ne 10 pastaj pas një ore fillon një incizim i krejt trupit nese kemi nevojë bëjmë edhe një CT pasi që sot na e ka mundësu teknologjia e re që e kemi të instaluar që nga viti kaluar nese ka nevoje e bejm edhe nje SPECT/CT te asaj pjese ku është e dyshimt për një mosfunksionim te rrjetit të limfës. Technociumi vjen çdo dy jave tek ne, ne kemi kontratë valide dhe vjen jo vetëm për limfoscintigrafi por për gjitha procedurat që punohen në mjekësinë nukleare”, tha Spahiu.
E sipas Spahiut materiali që nevojitet për kryerjen e këtij ekzaminimi, ka një kosto rreth 2000 euro, por që mbulohet plotësisht nga QKUK-ja.
“Është një material i cili nuk mund të thëmi që është i kushtushem mirëpo është sepse kushton dikun rreth 2000 euro, që na furnizojnë me technocium por ai na hyn në shërbim për dy javë na e shfrytëzojmë ata se kohen e zbërthimit technociumi e ka 6 orë keshtu qe na mundëson ta perdorim brenda dy jave”, shprehet ai.
Megjithatë ai thekson se pacientët nuk kanë nevojë të presin për kryerjen e këtij procesi.
“Limfoscintigrafia te ne behet çdo dy jave pa marrë parasysh se kur vjen pacienti, brenda dy jave vjen pacienti kryhet sherbimi sepse nuk hyn në procedurat urgjente keshtu që edhe nese një pacient tjeter vjen brenda dy jave ne e realizojm, po nga nje herë i kemi dy, tre”, Spahiu.
E sipas tij gjatë vitit 2024 kanë qenë vetëm ti raste që kanë kryer këtë ekzaminim, ndërsa gjatë këtij viti deri më tani janë 6 raste.
