Një automjet është përfshirë nga zjarri të dielën në hapësirat e Tregut të Gjelbër në Prishtinë.
Sipas Komunës së Prishtinës falë intervenimit të ekipeve emergjente zjarri u lokalizua duke parandaluar përhapjen e objekteve për rreth.
“Edhe pse ditë e diele, ekipet tona të Zjarrfikësve të Kryeqytetit, së bashku me Policinë e Kryeqytetit dhe shërbimet tjera emergjente, u mobilizuan menjëherë për të lokalizuar dhe shuar zjarrin në një automjet në hapësirën tek Tregu i Gjelbër. Falë reagimit të shpejtë dhe koordinimit të të gjitha ekipeve, zjarri u vu nën kontroll brenda një kohe të shkurtër, duke parandaluar përhapjen në objekte tjera përreth dhe duke mbrojtur jetën e qytetarëve tanë”, thuhet në njoftim.
