22:34 Ylli kampion i Superligës për vitin e dytë me radhë
Ylli ka mbrojtur titullin e kampionit të Kosovës në basketboll.
Ylli i Suharekës të enjten mbrëma fitoi ndaj Trepçës në Mitrovicë me shifrat 70:64.
Ishte fitorja e tretë e Yllit ndaj Trepçës në serinë finale të plejofit në Superligën e Kosovës në basketboll. Me rezultatin 3:1, Ylli fitoi titullin e kampionit.
Ylli fitoi vjet titullin e kampionit, për herë të parë. Dhe të enjten e fitoi titullin e dytë rresht.
Ylli ishte i pari pas stinorit të rregullt, ndërsa në gjysmëfinale kaloi Prishtinën. Ndërkohë Trepça ishte e dyta dhe në gjysmëfinale kaloi Pejën.
Seria finale ishte shumë interesante me ndeshje shumë të forta. Por Ylli shfaqi më shumë dhe i gëzohet titullit.
Nga Suhareka është edhe kampioni i Kosovës në futboll, Ballkani.
21:58 Dramë në Mitrovicë, Trepça barazon rezultatin ndaj Yllit në çerekun e tretë
Barazohen shifrat në çerekun e tretë të ndeshjes. Trepça është treguar një nuancë më e mirë se Ylli në periodën e tretë duke shkuar në franksionin e fundit me pikë të barabartë 51:51.
Mitrovicasit e fituan këtë franksion me shifra 16:13, derisa më i mirë u treguar Purvis duke shtuar edhe 8 pikë të tjera, dhe Mike Edvards me gjashtë sosh.
Franksioni i fundit në këtë ndeshje, pritet të përcakëtoj edhe fituesin.
21:23 Ylli me tre pikë epërsi ndaj Trepçës shkon në pushim të pjesës së parë
Ylli ka shkuar në pushim të pjesës së parë me epërsi prej tre pikëve ndaj Trepçës.
Therandasit në palestrën “Minatori” kanë mbyllur pjesën e parë me epërsi 38:35, në ndeshjen e katërt të plejofit në Superligën e Kosovës në basketboll.
Çereku i dytë i takoj mitrovicasve 17:16, por e pamjaftushme për të qenë në epërsi ndaj mysafirëve.
Te Ylli deri me tani po dallohen Erjon Kastrati me 13 pikë, dhe Tmusiq me 10 pikë. Ndërsa te Trepça, Purvis me 8 pikë dhe Gordon me 7-të sosh.
20:51 Ylli në epërsi pas çerekut të parë
Në Mitrovicë po zhvillohet ndeshja e katërtë e finales së plejofit në Superligën e Kosovës në basketboll.
Palestra është e stërmbushur me shikues, ndërsa atmosfera është shumë e bukur. Pos në tribuna, qindra shikues janë vendosur edhe në parket. Pas çerekut të parë në epërsi është skuadra vendase, Golden Eagle Ylli.
Ylli po fiton ndaj Trepçës me rezultatin 22:18. Me fitore eventuale, Ylli siguron titullin e kampionit. Aktualisht udhëheq 2:1 në serinë finale. /Tëvë1/
