Kryetari i Nismës Socialdemokrate, Fatmir Limaj, ka reaguar ndaj artikullit bashkautor të kryetarit të Kuvendit, Dimal Basha, për të cilin pretendohet se mban qëndrime kundër UÇK-së. Limaj e ka quajtur artikullin fyes dhe të dëmshëm për imazhin e Kosovës.
Në një deklaratë për media, Limaj tha se një punim i tillë nuk mund të trajtohet si diçka e zakonshme, pasi ndikon thellë në ndjenjat e qytetarëve dhe në historinë e shtetformimit të Kosovës.
“Serioze është natyra, artikulli, punimet të tilla shkencore – ne kemi pasur në akuza nga organet ndjekëse,” u shpreh Limaj.
Sipas tij, përmes këtij punimi, kryeparlamentari Basha ka ofenduar jo vetëm luftën çlirimtare, por edhe ata që dhanë jetën për lirinë e vendit.
“Artikulli fyen krejt ata që ndihmuan çlirimin e Kosovës.”
“Ai artikull fyen të gjithë dëshmorët e Kosovës, mijëra qindra shqiptarë.”
Limaj nuk komentoi nëse Nisma do të kërkojë shkarkimin e Bashës, por qëndrimi i tij rreshtohet përkrah kritikave të opozitës që kanë kërkuar dorëheqjen e kryetarit të Kuvendit, duke e konsideruar të papranueshme që një figurë e tillë të udhëheqë institucionin më të lartë ligjvënës të vendit.
