Me një postim në Facebook, kryetari i Federatës së Futbollit të Kosovës, Agim Ademi, e ka dhënë lajmin e madh për ardhjen e re te Kombëtarja e Kosovës.
Mesfushori i Hoffenheim Leon Avdullahu, ka vendosur të përfaqësoj Kosovën dhe gjasat janë që ai të ftohet kindër Zvicrës, kombëtares që e refuzoj.
Ky është postimi i plotë i kreut të FFK-së:
Pritjes i erdhi fundi, Leoni është i Kosovës 🇽🇰🙌
Ndjej kënaqësi të ndaj me ju lajmin e madh se Leon Avdullahu, i udhëhequr nga zemra e tij, ka vendosur që të luaj për Kombëtaren e Kosovës. Leoni më njoftoi sonte për vendimin e madh, që pason takimin që kishim pak kohë më parë kur edhe i kishim diskutuar të gjitha gjërat.
Leoni me këtë vendim dëshmoi edhe një herë fuqishëm që Kosova mbetet zgjedhje zemre dhe se identiteti e prejardhja nuk mohohen.
Mirë se vjen Leon, le të nisim së bashku një rrugë të gjatë e të suksesshme për ekipin kombëtar të Kosovës dhe për Ty.
Të priftë e mbara me Kosovën!
