Fisnik Rugova nuk do të jetë pjesë e Sigal Prishtinës për sezonin e ri në Superligën e Kosovës në basketboll.
Rugova me anë të një postimi, ka falënderuar klubin për gjithçka, duke bërë me dije se do ta vazhdojë karrierën diku tjetër.
Duket se Prishtina dhe Rugova, i cili ishte kapiten sezonin e shkuar nuk kanë arritur marrëveshje për vazhdimin e bashkëpunimi.
Rugova është zhvilluar si basketbollist te Prishtina, ndërsa gjatë karrierës ka luajtur edhe për Pejën, Rahovecin e Bashkimin.
Rugova i gjatë 206 centimetra luan krah-qendër dhe sezonin e fundit ka pasur një mesatare prej 3 pikëve e po aq kërcimeve për ndeshje.
