Beteja për transferimin e sulmuesit Alexander Isak ndërmjet Newcastle Unitedit dhe Liverpoolit, tani bartet në fushë, ku skuadrat do të përballen me njëra tjetrën në kuadër të xhiros së dytë të Premier Leagues.
Ndeshja Newcastle – Liverpool, luhet sonte prej orës 21:00 në stadiumin “St.James Park” dhe pritet të jetë tejet e fortë dhe interesante.
Kampioni në fuqi, Liverpooli e ka nisur sezonin me fitore derisa Newcastle ka barazuar, me të dyja skuadrat që dalin në fushë për pikët e plota.
Liverpooli po e kërkon me ngulm transferimin e suedezit Isak, i cili ka kërkuar largimin nga Newcastle duke bërë që raportet mes klubeve të prishen.
Newcastle ka refuzuar ofertën e Liverpoolit për Isakun në vlerë prej 120 milionë eurosh, pasi po kërkon 170 milionë euro për kartonin e tij.
Mbetet të shihet se cila skuadër do ta fitojë përballjen në fushë pasi jashtë saj, Newcastle po i reziston Liverpoolit kur kanë mbetur edhe pak ditë deri në mbylljen e afatit kalimtar të verës.
