Skuadra e Malishevës ka reflektuar pas humbjes së thellë që e pësoi në xhiron e parë nga Prishtina e Re (4:0).
Në xhiron e dytë, Malisheva mori pikë të vlefshme në udhëtim te skuadra e Ballkanit.
Ndeshja e luajtur të dielën në Suharekë, u mbyll me rezultatin 1:1.
Altin Aliu në minutën e 11-të, kaloi Malishevën në epërsi kurse Giovanni realizoi për Ballkanin në minutën e 62-të për të barazuar shifrat.
Me këtë barazim, Malisheva ka marrë pikën e parë këtë sezon derisa Ballkani ka tubuar dy pikë pasi edhe në xhiron e parë luajti me rezultatin identik në udhëtim te Gjilani.
