“Po kërkojë një klub dhe një vend ku mund të ndjejë përsëri kënaqësi”, ishin fjalët e futbollistit Zymer Bytyqi pas largimit nga CSKA Sofja.
Ditë më parë, Bytyqi shkëputi kontratën me ekipin bullgar pasi javë më parë ishte suspenduar për shkak të thyerjes së rregullores disiplinore.
Ai u largua pas një vit inga CSKA dhe tani është futbollist i lirë, ndërsa nuk ka përjashtuar kthimin në Norvegji, ku edhe ka lindur.
“Dua diçka që më bën vërtetë të lumtur dhe më frymëzon. Jam i hapur për gjithçka, por nuk do t’u përgjigjem pyetjeve nëse dua të kthehem të Vikingu në Norvegji”, ka thënë Bytyqi.
Bytyqi ka thënë se vendimi për ta ndërprerë kontratën që skadonte vitin tjetër, u bë me dakordimin e të dyja palëve.
Zbuloi se nuk pati asnjë dramë prapa skenave, por thjeshtë ishte më pëlqim të ndërrsjellë dhe shton se ishte një lojtar i shtrenjtë për CSKA Sofjen.
Bytyqi ka konfirmuar se kishte pasur një grindje me portierin e ekipit, Fyodor Lapukhov gjatë stërvitjes, por thekson se kjo nuk ka të bëjë fare me ndërprerjen e kontratës.
“Nuk ishte gjë tjetër, veçse një debat verbal, siç ndodhë shpesh në stërvitje”, shtoi Bytyqi.
Sipas tij, qëndrimi në Bullgari nuk kishte shkuar sipas planifikimit pasi kur kishte firmosur kontratës kishte marrë garanci për një projekt ambicioz të klubit.
“Kishte gjithashtu një ndjesi kaosi në klub. Më lanë të luaja para se të shërohesha plotësisht nga lëndimi dhe motivimi ishte i ulët, thjeshtë nuk përshtatesha”, shton Bytyqi.
Ai ka thënë se nuk e ka problem të gjejë ekip pasi vazhdimisht ka telefonata dhe nuk përjashton asnjë skuadër, pasi është i hapur për të gjitha, përfshirë edhe kthimin në Novegji.
