Mesfushori Douglas Luiz është larguar pas vetëm një sezoni nga Juventusi për t’u kthyer në Premier League.
Braziliani i është bashkuar Nottingham Forestit, ekip që tashmë e ka prezantuar Luizin.
Luiz, teknikisht është huazuar te Nottinghami për 3.5 milionë euro për një vit, ku ekipi anglez ka opsionin e blerjes së tij për 25 milionë euro plus 3.5 milionë euro bonuse, që kapin shumën totale prej 31.5 milionë eurosh.
26-vjeçari verën e shkuar iu bashkua Juventusit në një pako totale prej 50 milionë eurosh, por nuk arriti ta dëshmojë veten te skuadra italiane me të cilën firmosi kontratë deri në vitin 2029.
Ai pati telashe me lëndimet dhe në total regjistroi 26 paraqitje në të gjitha garat.
Luiz te Nottinghami po shihet si përforcim i duhur për mesfushën, duke pasur parasysh se në Premier League ka luajtur për Manchester Cityn e Aston Villan.
