Legjenda e Kombëtares së Rusisë, Andrey Arshavin, ka vlerësuar lart sulmuesin e Rubin Kazanit, Mirlind Daku.
“Rubin Kazani është një ekip i guximshëm. Varet shumë nga Daku. Mendoj se tani ai mund të quhet një nga sulmuesit kryesorë në kampionatin rus”, ka thënë Arshavin për “Match TV”.
Rubin Kazani është në vendin e katërt në tabelë me 10 pikë të mbledhura.
27-vjeçari, Daku ka luajtur 69 ndeshje për Rubin Kazanin në të gjitha garat, ndërsa ka shënuar 30 gola dhe ka kontribuar me 13 asistime.
