Në prag të mbylljes së merkatos, Milan po analizon mundësinë për të afruar edhe një mbrojtës qendror, repart ku Massimiliano Allegri ka numra të kufizuar.
Pavarësisht fleksibilitetit taktik mes skemave 3-5-2 dhe 4-3-3, ku Fikayo Tomori është përdorur edhe si mbrojtës i djathtë, opsionet për qendrën mbeten të pakta. Aktualisht, trajneri mund të llogarisë vetëm te Gabbia, Pavlovic, De Ëinter dhe disa të rinj si Athekame dhe Bartesaghi, të cilët janë më të natyrshëm si lojtarë krahu.
Sipas Corriere dello Sport, drejtuesit kuqezinj kanë rikthyer në vëmendje pistën Caleb Okoli, mbrojtësi 23-vjeçar i Leicester City, i vlerësuar mes 10 dhe 15 milionë euro.
Megjithatë, nuk mungojnë as alternativat me më shumë eksperiencë: Kim Min-jae i Bayern Munich (pista u studiuar në qershor, por e komplikuar nga paga e lartë prej 8 milionë eurosh), Andreas Christensen i Barcelonës, edhe pse me disa dyshime fizike, si dhe Jakub Kiwior i Arsenal, për të cilin “Gunners” nuk janë të gatshëm të ulin kërkesat.
Një opsion tjetër që mbetet mbi tryezë është ai i një profili “made in Serie A”: Berat Gjimshiti i Atalantës, një mbrojtës i sigurt, i mësuar me lojën në një mbrojtje me tre dhe me eksperiencë të gjatë në kampionatin italian.
Kapiteni i Kombëtares shqiptare ka edhe një vit kontratë me Atalantën dhe vlen 6 milionë euro, por bergamaskët mund të binden edhe për më pak duke qenë se ende nuk është marrë “ok” për rinovimin.
