Time Kadrijaj nga AAK-ja në emisionin “Mesditë” ka bërë të ditur se subjekti i saj politik nuk voton kandidat që prezantohen nga LVV-ja nga kabineti qeveritar për kryetar të Kuvendit të Kosovës.
Ajo tha se AAK-ja nuk ka votë për “njerëz të përfolur, njerëz me aktakuza, njerëzit që e kanë keqpërdorur detyrën zyrtare, njerëzit që janë të zhytur në afera korruptive”.
“Ne do të votojmë, por normal në rast se nuk na konvenon… se nuk e kemi asnjë obligim ta votojmë ndonjë kandidat të LVV-së. Vota jonë sigurisht që është për për një numër të kandidatëve që do i propozoj VV-ja do të jetë kundër”, tha ajo në Tëvë1.
Deputetët e Kuvendit të Kosovës do të mblidhen nesër në përpjekjen e radhës, të parën pas aktgjykimit të ri të Gjykatës Kushtetuese, për konstituimin e legjislaturës së nëntë të institucionit legjislativ.
Sipas njoftimit nga Kuvendi i Kosovës, mbledhja do të mbahet duke filluar nga ora 11:00 dhe në rend dite janë zgjedhja e kryetarit të Kuvendit dhe nënkryetarëve.
Kjo është seanca e parë që mbahet pas masës së përkohshme që nuk lejonte deputetët të marrin asnjë vendim, deri në publikimin e vendimit të ri të Gjykatës Kushtetuese./teve1.info/
