Lëvizja Vetëvendosje ka reaguar në rrjetin social Facebook pas publikimit të plotë të aktgjykimit të Gjykatës Kushtetuese lidhur me konstituimin e Kuvendit.
Në reagim, LVV kritikon mënyrën e arsyetimit të Gjykatës, duke e quajtur vendimin si tejkalim të juridiksionit dhe një akt që cënon demokracinë. Sipas lëvizjes, vendimi i publikuar 10 ditë pas aktgjykimit tregon një përpjekje për të justifikuar vendime arbitrare.
“Se votimi i fshehtë nuk është në kundërshtim me Kushtetutën u konfirmua sërish, ndërsa paragjykimi i Gjykatës për mungesën e konsensusit politik, pa u hedhur asnjëherë në votim, është rrugë e subjekteve bllokuese. Analogia që përdor Gjykata nuk ka ku të qëndrojë”, thuhet në reagim.
LVV gjithashtu thekson se, për herë të rralla, Gjykata Kushtetuese nuk iu referua asnjë kushtetute evropiane apo botërore, dhe nuk kërkoi mendime nga gjykata homologe për krahasim të rasteve. Reagimi sugjeron se vendimi mund të krijojë mundësinë që pas 30 ditëve të ketë të drejtën e propozimit për zgjedhjen e kryetarit të Kuvendit nga një parti tjetër, nëse dështon partia e parë.
Postimi i plotë:
