Në njoftim thuhet se dje janë ndërmarrë veprime tek 22 biznese, të cilat kishin obligim ndaj ATK-së, 2.9 milionë euro.
“Departamenti i Mbledhjes së Detyrueshme ka vazhduar me aktivitete të intensifikuara për mbledhjen e borxheve. Aktiviteti i masave të sforcuara është i dyti me radhë brenda pak ditëve, ku dje me datë 31 maj 2022 janë ndërmarr veprime tek 22 subjekte biznesore, të cilët kishin obligim ndaj ATK-së 2.9 milion euro”,thuhet në njoftim.
Tutje bëhet e ditur se veprimet e mbledhësve tatimor kanë rezultuar të suksesshme pasi që, janë kryer pagesa me vlerë mbi 1 milionë nga ana e bizneseve borxhlinj.
“Veprimet e mbledhësve tatimor kanë rezultuar të suksesshme duke u kryer pagesat e menjëhershme të mbi 1 milion eurove nga ana e bizneseve borxhlinj. Për deri sa pjesa tjetër do të vazhdoj të trajtohet duke i paguar borxhet përmes marrëveshjeve me këste. Aktivitetet në fjalë janë zhvilluar në Prishtinë, Prizren, Pejë, Ferizaj, Mitrovicë e Veriut, Kaçanik, si dhe në Gllogoc”, thuhet në njoftimin e ATK-së.
Tutje menaxhmenti i ATK-së i bën thirrje tatimpaguesve që të vizitojnë zyrat e Departamentit të Mbledhjes së Detyrueshme në mënyrë që të njoftohen me mundësitë ligjore që mund t’i shfrytëzojnë për kryerjen e obligimeve që ata kanë, sepse siç thuhet në njoftim ky menaxhment është i vendosur që të punoj me përkushtim në zvogëlimin e stokut të borxheve.
