Shkruan Lutfi Bilalli
Bisedimet Trump-Putin në Alaska kanë përfunduar (bisedimet midis gjashtëshes amerikane dhe ruse në Anchorage kanë përfunduar).
Si duket Putini nuk është është i gatshëm për armpushim.
Ai po taktizon duke pritur për një samit të ri dypalësh me Trumpin në Moskë.
Amerikanet mund të startojn me sanksione ( tarifa) ndaj Rusisë , por si duket kjo është ende e “hershme”.
A do ketë një rund të ri ( një samit në Moskë ) është pikëpyetje.
Për momentin ka spekulime se mund të ketë përafrime por jo dakordim që mund të sjellte fundin e luftës në Ukrainë.
Momentalisht pala amerikane nuk dhënë ndonjë informacion për rezultatin e bisedimeve.
Presidenti i SHBA-së, Donald Trump, ka deklaruar se synon të telefonojë së shpejti aleatët e NATO-s.
Ai do t’i telefonojë dhe do t’i informojë për bisedimet e tij me Putinin, tha ai në konferencën për shtyp në Alaska.
Ai gjithashtu do të kontaktojë njerëz të ndryshëm që i konsideron të përshtatshëm, përfshirë Presidentin ukrainas Volodymyr Zelensky.
Putini largohet nga SHBA-ja
Pas samitit me Donald Trump. Kremlini publikoi një video në Telegram që tregon Vladimir Putinin duke hipur përsëri në aeroplanin e tij.
Putin beson se fundi i “krizës së Ukrainës” është i mundur
“Mirëkuptimi” i ndërsjellë i zhvilluar me Donald Trump mund të ndihmojë në këtë, deklaroi Vladimir Putin në konferencën për shtyp me Trump. Ai shpresonte që samiti të shërbente si një “pikë referimi” për një zgjidhje.
Takimi me Trumpin ishte disa orë më i shkurtër se sa pritej: Zyrtarët rusë kishin thënë më parë se prisnin që bisedimet, përfshirë konferencën për shtyp, të zgjasnin deri në shtatë orë. Pak më pak se pesë orë kaluan midis mbërritjes së Putinit në Alaska dhe largimit të tij.
Opinioni përmban pikëpamjet e autorit dhe nuk prezanton qëndrimet editoriale të teve1.info
